Produzent : in Musek a Programm - Deelzäit (mi-temps)

De radio 100,7 steet fir eng eenzegaarteg Museksprogrammatioun, bei där ee ka matsangen, awer och ëmmer nees nei Popmusek an alternativ Kënschtler : innen entdecken. Well och wann den 100,7 de Sender fir Noriichten, Informatioun, Kultur an Ënnerhalung zu Lëtzebuerg ass, gëtt dat eréischt e Ganzt mat der richteger Musek. Als Service public steet de radio 100,7 am Déngscht vun der Allgemengheet a gëtt vum politesch an ekonomesch onofhängegen ëffentlech-rechtleche Média de service public 100,7 bedriwwen. An dësem Kader sicht de radio 100,7 een / eng : Produzent : in Musek a Programm - Deelzäit (mi-temps) Roll D'Animateuren an d'Museksprogrammateure vum radio 100,7 beim Virbereeden, Realiséieren a Promote vu Radiosprogrammer ënnerstëtzen, virun allem um organisatoreschen an administrative Plang. Mat der Optioun sech och musikalesch, respektiv virum Mikro kënnen anzebréngen. Tâchen

• Ënnerstëtze vum Programmchef beim Organiséiere vum deegleche Radiosprogramm, dee vun internen an externe Mataarbechter animéiert gëtt.
• D'Museksprogrammatioun vum radio 100,7 an der Rotatiounssoftware ëmsetzen an Erstelle vu Playlëschten
• Virbereedung vu Sendungsinhalter a Matwierke bei redaktionelle Recherchen
• Concerts- a Museksaktualitéit zu Lëtzebuerg suivéieren an ofbilden
• Déi deeglech Kommunikatioun iwwer aktuell Theemen tëschent der Museksredaktioun an deenen aneren Departementer assuréieren
• Spiller, Quizzen a Concoursen am Radiosprogramm geréieren
• Eventuell punktuell Moderatioun vun Emissiounen Wéi eng Fachkompetenzen an Eegenschafte soll ee matbréngen?
• Organisatiounstalent, e gudden Zäitmanagement an en A fir den Detail
• Passioun fir d'Museksaktualitéit a fir audiovisuell Medien
• Redaktionell Kompetenzen
• Erfarung an der Audioproduktioun ass vu Virdeel, idealerweis am Radioberäich
• Erfarung an der Moderatioun ass vu Virdeel
• Exzellent Beherrschung vun der Lëtzebuerger Sprooch (geschwat a schrëftlech), souwéi deenen aneren übleche Beruffssproochen (Däitsch, Franséisch, Englesch). Mir bidden
• En Aarbechtskontrakt op onbestëmmten Dauer (CDI) fir 20 Stonnen d'Woch
• E kompetitiivt Gehalt mat transparente Perspektiven, Chèques-repas
• Homeoffice-Reegelung
• Kuerz Entscheedungsweeër, e kreative Fräiraum an Eegeverantwortung, en direkten Impakt op déi redaktionell Programmlinn
• Reegelméisseg intern an extern Formatiounen nom Prinzip lifelong learning
• Eng dynamesch a motivéiert Ekipp an engem kreativen Ëmfeld, reegelméisseg Teameventer Interesséiert? Schéckt eis Är Kandidatur mat Motivatiounsbréif a CV wgl. bis spéitstens den 1. August 2025 per Email un rh@100komma7.lu. Am Fall vun engem Rekrutement muss e Casier judiciaire (Nummer 3) virgeluecht ginn. ...

TLNT1_LU